جوڈیشل کمپلیکس میں صحافی نے پرویز الٰہی سے سوال کیا کہ سنا ہے کہ اڈیالہ میں چیئرمین پی ٹی آئی سے آپ سے کوئی رابطہ ہوا، ٹکٹوں کی تقسیم کے حوالے سے کوئی تجاویز مانگی گئیں؟ پرویز الہیٰ نے کہا کہ ایسا تو کچھ نہیں ہوا
پرویز الٰہی نے کہا کہ موجودہ صورتحال میں تمام سیاستدانوں کو سیکیورٹی بانڈ دینا چاہیے۔
پرویز الٰہی نے کہا کہ جج صاحب آئے، انہوں نے چیئرمین پی ٹی آئی کے سیل کے باہر دیوار گرا دی، لیکن جیل میں کھانا ٹھیک سے نہیں دیا جا رہا، فوڈ پوائزننگ ہوئی ہے، کھانا اچھا نہیںمیں بہت مشکل سے یہاں پہنچا۔
صحافی نے پرویز الٰہی سے سوال کیا کہ وہ پی ٹی آئی کے ساتھ رہیں گے یا چھوڑیں گے، جس پر سابق وزیراعلیٰ نے کہا کہ وہ نہیں چھوڑیں گے، اسی لیے جیل کاٹ رہے ہیں۔
صحافی نے کہا کہ جب نواز شریف جیل میں تھے تو مونس الٰہی کہتے تھے کہ ان کے بیٹے انہیں پوچھنے نہیںآتے اب آپ مشکل میں ہیں، آپ کے بیٹے کیوں نہیں آرہے؟
پرویز الٰہی نے جواب دیا کہ مجھے کوئی مسئلہ نہیں، میں بالکل ٹھیک ہوں، اللہ کا شکر ہے۔
