اردو ورلڈ کینیڈا ( ویب نیوز )پاکستان تحریک انصاف کی رہنما ڈاکٹر یاسمین راشد کا کہنا ہے کہ میں پی ٹی آئی نہیں چھوڑوں گی۔ڈاکٹر یاسمین کو آج تین روزہ جسمانی ریمانڈ مکمل ہونے پر لاہور کی انسداد دہشت گردی کی عدالت میں پیش کیا گیا، جہاں انہوں نے میڈیا کے نمائندوں سے غیر رسمی گفتگو کی۔

اس موقع پر یاسمین راشد نے کہا کہ میں پی ٹی آئی کے ساتھ رہوں گی اور پارٹی نہیں چھوڑوں گی۔
واضح رہے کہ 9 مئی کے پرتشدد واقعات کے بعد پاکستان تحریک انصاف کے کئی رہنما ئوں نے پارٹی چھوڑنے کا اعلان کیا ہے۔
منگل کو پاکستان تحریک انصاف کی رہنما شیریں مزاری اور فیاض الحسن چوہان نے بھی پارٹی چھوڑنے کا اعلان کیا جب کہ عامر کیانی نے بھی پارٹی کو خیرباد کہہ دیا ہے۔