87
آئی سی سی کے مطابق انڈر 19 کرکٹ ورلڈ کپ 19 جنوری سے شروع ہوگا، ٹورنامنٹ کا فائنل 11 فروری کو کھیلا جائے گا۔ٹورنامنٹ کے 41 میچز جنوبی افریقہ کے 5 مقامات پر کھیلے جائیں گے جبکہ وارم اپ میچز 13 سے 17 جنوری تک کھیلے جائیں گے۔انڈر 19 ورلڈ کپ کے گروپ اے میں بھارت، بنگلہ دیش، آئرلینڈ اور امریکا، گروپ بی میں انگلینڈ، جنوبی افریقہ، ویسٹ انڈیز اور اسکاٹ لینڈ شامل ہیں۔گروپ سی میں آسٹریلیا، سری لنکا، زمبابوے، نمیبیا جبکہ گروپ ڈی میں افغانستان، پاکستان، نیوزی لینڈ اور نیپال شامل ہیں۔پاکستان انڈر 19 کرکٹ ٹیم اپنا پہلا میچ 20 جنوری کو افغانستان کے خلاف کھیلے گی جب کہ اس کا مقابلہ 24 جنوری کو نیپال اور 27 جنوری کو نیوزی لینڈ سے ہوگا۔
