منتخب ہو کر سرحد بند،کیپیٹل ہل پر حملہ کرنیوالوں کیلئے معافی کا اعلان کروں گا ، ٹرمپ

31

اردو ورلڈ کینیڈا ( ویب نیوز ) سابق امریکی صدر ڈونلڈ ٹرمپ نے کہا ہے کہ منتخب ہو کر عہدہ سنبھالتے ہی وہ سرحد بند کر دیں گے اور کیپیٹل ہل پر حملہ کرنے والوں کو معاف کر دیں گے۔تقریب میں تقریر کے دوران ڈیموکریٹک صدارتی امیدوار کملا ہیرس پر تنقید کرتے ہوئے ڈونلڈ ٹرمپ نے کہا کہ کملا ہیرس اپنی سیاہ شناخت کو سیاسی مقاصد کے لیے استعمال کر رہی ہیں۔ڈونلڈ ٹرمپ نے پوچھا کیا کملا ہیرس ہندوستانی ہیں یا سیاہ؟ کملا اب تک ہندوستانی تھیں، وہ اچانک سیاہ کیسے ہوئیں؟،انہوں نے کہا کہ کملاہیرس کی والدہ کا تعلق ہندوستان سے تھا اور والد کا تعلق جمیکا سے تھا۔وائٹ ہاؤس نے ڈونلڈ ٹرمپ کے اس بیان کا جواب دیتے ہوئے کہا کہ کملا ہیرس کی شناخت پر ٹرمپ کا تبصرہ توہین آمیز تھا۔