گوری کہے تو فلمیں چھوڑ دونگا،اس کے بغیر پاگل ہوجائوں گا،شاہ رخ خان

40

اردوورلڈ کینیڈا( ویب نیوز)شادی کے برسوں بعد بھی بالی ووڈ کنگ شاہ رخ خان اور گوری خان کی محبت مضبوط ہے جس کی بڑی وجہ اداکار کا رشتوں کو ترجیح دینا ہے۔
شاہ رخ خان نے ایک انٹرویو میں کہا کہ اگر انہیں اپنے کیریئر اور گوری میں سے کسی ایک کا انتخاب کرنا پڑا تو وہ فلمیں چھوڑ دیں گے کیونکہ وہ گوری کے بغیر نہیں رہ سکتے۔
اداکار کا کہنا تھا کہ وہ اپنی بیوی کے بغیر پاگل ہو جائیں گے، وہ واحد چیز ہے جس سے وہ پیار کرتے ہیں۔
شاہ رخ خان نے کہا کہ میں نے اپنے بیٹے آریان کو سکھایا ہے کہ کسی کی بے عزتی کرنا ٹھیک نہیں ہے اور اسے عزت سکھائی ہے۔
شاہ رخ نے کہا کہ اس نے کبھی اپنی بیوی کے پرس میں نہیں دیکھا اور سونے کے کمرے میں داخل ہونے سے پہلے ہمیشہ دستک دیتاہوں چاہے وہ اس کی بیٹی کا ہی کمرہ ہو۔
شاہ رخ اپنی شادی کے ابتدائی دنوں کو یاد کرتے ہوئے کہتے ہیں کہ ممبئی میں پہلی رات انہیں شوٹنگ کے لیے دیر ہو گئی تھی جس پر انہوں نے گوری کو ٹیکسی میں بلایا کیونکہ ان کے پاس گاڑی نہیں تھی۔