اردو ورلڈ کینیڈا ( ویب نیوز)مسلم لیگ (ن) کے سینئر رہنما کیپٹن ریٹائرڈ صفدر نے کہا ہے کہ عام انتخابات 2025 میں ہوں گے جب ملکی معیشت بہتر ہوگی، عمران خان جب جیل جائیں گے تو اعظم سواتی سے زیادہ روئیں گے۔

انار کلی میں کارکنوں سے خطاب کرتے ہوئے کیپٹن (ر) صفدر نے کہا کہ شیر کو تیار کر کے اسلام آباد بھیج دیا جاتا ہے۔ .ہر بار سازش ہوجاتی ہے

انہوں نے کہا کہ پرویز مشرف نواز شریف کو پھانسی دینا چاہتے تھے لیکن اللہ نے نواز شریف کو مکہ مکرمہ بھیج دیا، 4 سال سے دلدل میں پھنسے ملک کو باہر نکلنے میں کم از کم ایک سال لگے گا۔

کیپٹن (ر) صفدر نے کہا کہ ایک بہادر باپ کی بہادر بیٹی مریم نواز آرہی ہیں، مریم نواز سے درخواست کروں گا کہ وہ سازشیوں کو بے نقاب کریں۔

انہوں نے کہا کہ عمران حکومت کی گندگی کو صاف کرکے ملک کو دوبارہ ترقی کی راہ پر گامزن کریں گے۔ 28 جنوری کو مریم نواز شریف کی لاہور آمد پر شاندار استقبال کیا جائے گا۔

کیپٹن (ر) صفدر نے کہا کہ اس ملک میں جب بھی کوئی مسئلہ آیا ہم نے ہمیشہ مسلم لیگ ن کے لیے ہراول دستے کا کردار ادا کیا۔