اردو ورلڈ کینیڈا ( ویب نیوز)وزیر داخلہ رانا ثناء اللہ نے کہا ہے کہ عمران خان الیکشن میں سنجیدہ ہیں تو ان سے بات کر سکتے ہیں۔

نجی ٹی وی سے گفتگو کرتے ہوئے وزیر داخلہ کا کہنا تھا کہ عمران خان کا مخاطب سیاسی قوتیں نہیں کوئی اور ہے، اگر سیاستدان ہیں تو سیاسی قوتوں سے بات کریں، جن سے بات کرنے کے لیے مر ے جارہے ہیں وہاں سے ان کو جواب ہی نہیں مل رہا ہے
رانا ثناء اللہ نے کہا کہ ن لیگ الیکشن کے لیے تیار ہے، اب 2018 کی فلم نہیں چلنے والی، مقبولیت کا بخار جلد اتر جائے گا۔
انہوں نے کہا کہ ریاستی اداروں کو نشانہ بنانے والوں کا ایجنڈا کسی سے ڈھکا چھپا نہیں، پاکستان میں سیاست کے لیے ریاست کا پابند ہونے پڑے گا
رانا ثناء اللہ نے کہا کہ عدالتی فیصلے پر نظرثانی کا ابھی فیصلہ نہیں ہوا، عمران خان نے اپنی حکومت کا ایک کارنامہ بتا دیں جو انہوں نے اپنے دور میں کیا ہو۔