47
اردو ورلڈ کینیڈا ( ویب نیوز ) ایرانی وزیر خارجہ نے کہا ہے کہ ہمارے پاس دفاع کے لیے کوئی ریڈ لائن نہیں ہے، ہم جنگ نہیں امن چاہتے ہیں، لیکن ہم جنگ کے لیے پوری طرح تیار ہیں۔ایرانی فوج کے کمانڈر کا کہنا تھا کہ تیاریاں مکمل ہیں، ایران پر حملے کی غلطی کا خمیازہ اسرائیل کو بھگتنا پڑے گا۔ایران کے ساتھ جنگ کی بڑھتی ہوئی دھمکیوں کے بعد امریکا اسرائیل کو اینٹی میزائل سسٹم دینے پر غور کر رہا ہے۔
دوسری جانب اسرائیل اور امریکا کی جانب سے ایران پر حملے کی صورت میں ممکنہ جوابی اقدامات کو روکنے کے لیے مشترکہ تیاریاں جاری ہیں۔پینٹاگون کا کہنا ہے کہ صدر بائیڈن کی ہدایت پر اسرائیل کے دفاع کو مضبوط بنانے کے لیے جدید اینٹی میزائل سسٹم THAAD اور امریکی فوجیوں کو اسرائیل میں تعینات کیا جا رہا ہے۔
