اردو ورلڈ کینیڈا ( ویب نیوز )چیئرمین پی ٹی آئی عمران خان نے کہا ہے کہ انہوں نے ارشد شریف کو ملک چھوڑنے کا مشورہ دیا، اس معاملے پر انہیں کسی بھی فورم پر بلایا گیا تو تمام تفصیلات سامنے لائیں گے۔
ایک اخبار کو دیے گئے انٹرویو میں عمران خان نے کہا کہ اسلام آباد کی طرف لانگ مارچ پرامن ہو گا اور جب مارچ اسلام آباد پہنچے گا تو تعداد بتائے گی کہ پاکستانی قبل از وقت انتخابات چاہتے ہیں
انہوں نے کہا کہ میں نے ارشد شریف کو ملک چھوڑنے کا مشورہ دیا، کسی بھی فورم پر بلایا گیا تو تمام تفصیلات سامنے لاؤں گا۔
سابق وزیراعظم نے کہا کہ سیاسی حکومت کی تبدیلی کے ہینڈلرز اپنے ادارے میں رجیم چینج نہیں ہونے دیں گے ورنہ عوامی مینڈیٹ کی اہمیت ہمیشہ کے لیے ختم ہو جائے گی۔
فیصل واوڈا کی پریس کانفرنس پر ردعمل دیتے ہوئے عمران خان نے کہا کہ غیر معمولی لڑائیوں میں پیادے اپنی اوقات سے زیادہ کام کرتے ہیں۔
