ishtiaq ahmed 
اردو ورلڈ کینیڈا ( ویب نیوز )سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے قوم سے خطاب کرتے ہوئے کہا ہے کہ مجھے پہلے سے اطلاع تھی کہ گجرات یا وزیر آباد میں حملہ کیا جائے گا اور سلیمان تاثیر جیسا واقعہ بنا کر پیش کردیا جائے گا
لانگ مارچ کے کنٹینر پر فائرنگ سے دیگر پارٹی رہنماؤں کے زخمی ہونے کے بعد قوم سے خطاب کرتے ہوئے پی ٹی آئی کے چیئرمین نے کہا کہ وہ پہلے ہی جانتے تھے کہ انہیں وزیر آباد یا گجرات میں قتل کرنے کا منصوبہ ہے۔
عمران خان نے کہا کہ امریکی اہلکار نے انہیں ہٹانے کی دھمکی دی اور بعد میں تحریک عدم اعتماد کے ذریعے ان کی حکومت گرائی گئی اور پھر چوروں کو اوپر مسلط کردیا گیا
انہوں نے یہ بھی الزام لگایا کہ اسٹیبلشمنٹ تبدیلی کا فیصلہ کرتی ہے اور انہیں واپس لاتی ہے اور یہی سازش ہے، انہوں نے مزید کہا کہ انہیں معلوم تھا کہ سازش رچی جا رہی ہے
سابق وزیراعظم نے کہا کہ الیکشن کمیشن مجھے نااہل کرانے کیلئے حکومت سے ملاہوا ہے ۔ انہوں نے الزام لگایا، "17 جولائی کے ضمنی انتخاب میں، ECP نے ہر طرح کے دھاندلی کے حربے استعمال کیے،” انہوں نے الزام لگایا کہ انہوں نے مجھے بدنام کرنے کے لیے تمام حربے استعمال کیے، کیچڑ اچھالنے کا سہارا لیا اور میرے خلاف مقدمات درج کیے”۔
سابق وزیراعظم نے مزید کہا کہ توشہ خانہ کا تمام ریکارڈ موجود ہےچوری کی کوئی گنجائش نہیں انہوں نے کہا کہ مجھے نواز شریف کے حکم پر نااہل کیا گیا حالانکہ نواز شریف خود کرپشن میں ملوث ہیں
سابق وزیر اعظم نے کہا کہ ای سی پی نے ای وی ایم کی مخالفت کی تھی کیونکہ انہیں پتہ تھا کہ مشین آگئی تو دھاندلی نہیں ہوسکے گی دونوں جماعتوں کے ہینڈلرز کے ای وی ایم کی مخالفت کے باوجود پی ٹی آئی نے ضمنی انتخابات میں دوسری جماعتوں کو پیچھے چھوڑ دیا تھا۔
عمران خان نے یہ بھی انکشاف کیا کہ انہیں پنجاب کے سابق گورنر سلمان تاثیر کی طرح قتل کرنے کا منصوبہ ہے انہوں نے کہا کہ تین لوگوں نے مجھے قتل کرنے کا منصوبہ بنایا انہوں نے مزید کہا کہ جب تک یہ تینوں لوگ استعفیٰ نہیں دیتے اس کیس کی تحقیقات کیسے ہو سکتی ہیں۔میرے کارکنوں سے درخواست ہے تین لوگوں کے س استعفے تک احتجاج جاری رکھیں میں ٹھیک ہوتے ہی سڑکوں پر نکلوں گا اور اسلام آباد جائوں گا
سابق وزیراعظم کا مزید کہنا تھا کہ 90 کی دہائی میں دونوں حکومتیں کرپشن کی وجہ سے ختم ہوئیں لیکن یہ سابق صدر پرویز مشرف ہی تھے جنہوں نے انہیں این آر او دیا جس کے نتیجے میں ملکی قرضوں میں بے پناہ اضافہ ہوا۔
اپنا موازنہ موجودہ حکومت سے کرتے ہوئے عمران نے کہا کہ اب وہ این آر او ٹو لے رہے ہیں لیکن میں جدوجہد سے اقتدار میں آیا ہوں۔ پی ٹی آئی کے سربراہ نے فائرنگ کے حملے کے بعد حوصلہ افزائی کرنے پر اپنے حامیوں کی تعریف کی عمران خان نے کہا کہ میں اپنی جدوجہد جاری رکھوں گا۔
