اردوورلڈکینیڈا ( ویب نیوز )جمعیت علمائے اسلام (ف) کے سربراہ مولانا فضل الرحمان نے کہا ہے کہ عام انتخابات فروری کے آخر تک ہوں گے۔

سینئر صحافیوں سے گفتگو کرتے ہوئے مولانا فضل الرحمان نے کہا کہ موجودہ صورتحال کے پیش نظر فوری انتخابات ناگزیر ہیں، ملک میں عام انتخابات فروری کے آخر تک ہوں گے۔

انہوں نے کہا کہ ایم کیو ایم اور اختر مینگل سمیت دیگر نے اتفاق رائے سے فوری الیکشن کرانے کا فیصلہ کیا ہے۔

مولانا فضل الرحمان نے کہا کہ پیپلز پارٹی آخری وقت پر آئی اور فیصلے سے پیچھے ہٹ گئی۔

جمعیت علمائے اسلام کے سربراہ کا مزید کہنا تھا کہ جمہوری ممالک میں نگران حکومتوں کا کوئی تصور نہیں ہے۔

انہوں نے کہا کہ پی ٹی آئی چیئرمین لانے والوں نے تسلیم کیا کہ ان کا ایجنڈا کچھ اور تھا، پی ٹی آئی کو ملک کو معاشی طور پر کمزور کرنے کے لیے لایا گیا تھا۔

مولانا فضل الرحمان نے کہا کہ قبائلی علاقوں میں انتخابی مہم چلانا مشکل ہوگا۔