وزیر اعظم طلبہ کی عدم بازیابی کا جواب نہیں دے سکتے تو عہدے سے ہٹا دیا جائے،اسلام آبادہائیکورٹ

90

بلوچ طلباء کی عدم بازیابی کیس میں نگرا ن وزیر اعظم انور الحق کاکڑ عدالت کے سمن کے باوجود دوسری بار پیش نہیں ہوئے۔ ‘ عدالت نے کہا کہ انہیں اس لیے بلایا گیا کہ وہ جوابدہ ہیں، سیکرٹری دفاع، ہوم سیکرٹری، ڈی جی آئی ایس آئی اور ڈی جی ایم آئی سرکاری ملازمین ہیں.
جسٹس محسن اختر کیانی نے کہا کہ یہ تمام افسران جوابدہ ہیں، کوئی بھی قانون سے بالاتر نہیں، ہمارے ملک کے شہریوں کی بازیابی میں 2 سال لگے. نگراں وزراء، سیکرٹری دفاع، ہوم سیکرٹری کہاں ہیں
اٹارنی جنرل پاکستان منصور عثمان عدالت میں پیش ہوئے، جسٹس محسن اختر کیانی نے استفسار کیا کہ 12 لاپتہ طلباء ابھی تک بازیاب نہیں ہوئے ہیں، جس پر اٹارنی جنرل نے جواب دیا کہ میری معلومات کے مطابق 8 طالب علم بازیاب نہیں ہوئے ہیں.