اردو ورلڈ کینیڈا ( ویب نیوز ) ایرانی پاسداران انقلاب کور کے کمانڈر انچیف میجر جنرل پاکپور نے کہا ہے کہ امریکی صدر ٹرمپ کی جانب سے ایران کے خلاف نئے سرے سے جارحیت کی دھمکی پر سخت ردعمل سامنے آئے گا۔

ایران اسرائیل جنگ بندی کے بعد اپنے پہلے بیان میں پاسداران انقلاب کے کمانڈر انچیف نے کہا کہ وہ کامیابی اور فتح پر ایرانی قوم اور شہداء کے اہل خانہ کو مبارکباد دیتے ہیں۔میجر جنرل پاکپور نے امریکی صدر کو خبردار کیا کہ اگر ٹرمپ ایران کے خلاف جوابی کارروائی کرتے ہیں تو انہیں مناسب ردعمل کا سامنا کرنا پڑے گا۔واضح رہے کہ امریکی صدر ڈونلڈ ٹرمپ نے ایران اور اسرائیل کے درمیان جنگ بندی کا اعلان کیا تھا۔ایران نے پاکستان کے وقت کے مطابق صبح 9 بجے جنگ بندی پر عمل درآمد شروع کر دیا ہے اور اسرائیل نے اپنی فضائی حدود بھی کھول دی ہیں۔