اردوورلڈ کینیڈا ( ویب نیوز)پی ٹی آئی کے وائس چیئرمین اور سابق وزیر خارجہ شاہ محمود قریشی نے کہا ہے کہ ملک سے غداری کی ہے تو پھانسی پر لٹکا دیں
شاہ محمود کو سائفر کیس کی سماعت کے سلسلے میں اسلام آباد کی خصوصی عدالت میں پیش کیا گیا، اس دوران انہوں نے میڈیا سے غیر رسمی گفتگو میں کہا کہ ہمیں ملک سے پیار ہے اور مجھے یقین ہے کہ میں نے کبھی ملک سے غداری نہیں کی۔

انہوں نے کہا کہ موت برحق ہے، جہاں میں قید ہوں، وہاں سے چند قدم کے فاصلے پر پھانسی کا تختہ ہے۔
شاہ محمود نے کہا کہ پی ٹی آئی کے چیئرمین ایک ہی تھے اور وہی ہیں، کوئی ابہام نہیں، میں نے پاکستان کے مفادات کو ترجیح دی، ملک معاشی اور آئینی بحران کا شکار ہے، جس کا حل شفاف انتخابات ہیں۔
ان کا مزید کہنا تھا کہ ذاتی انا سے ہٹ کر سوچنا ہوگا، ملک مشکل میں ہے، سب کو اپنے رویوں پر نظرثانی کرنا ہوگی۔