مغربی طاقتوں کی ایماء پر مقبوضہ فلسطینی علاقے غزہ پر اسرائیلی فضائی حملے جاری ہیں،سرائیلی حملوں میں 11 ہزار کے قریب فلسطینی شہید ہو چکے ہیں جب کہ اسرائیل کی جانب سے اسپتالوں کو بھی نشانہ بنایا جا رہا ہے۔اسرائیلی بمباری میں فلسطینی خاندانوں کے خاندان اجڑ گئے ہیں اور اب ایک بزرگ فلسطینی کی ویڈیو سامنے آئی ہے جس کے پوتے اسرائیلی جارحیت کا نشانہ بنے۔

یہ بھی پڑھیں

غزہ پر بمباری جاری،ہزاروں بچے اور خواتین شہید،اقوام متحدہ بے بس

بزرگ اپنے شہید نواسوں کی لاشوں پر کھڑے ہو کر روتے ہیں اور کہتے ہیں کہ جب آپ صلی اللہ علیہ وسلم سے ملیں تو کہنا یا رسول اللہ صلی اللہ علیہ وسلم آپ کی امت نے اہل غزہ کو ناکام کر دیا، اے اللہ کے رسول صلی اللہ علیہ وسلم مسلمانوں نے ہمیں ناکام کر دیا۔دادا نے مزید کہا کہ   میرے پوتے پوتیو رسول اللہ صلی اللہ علیہ وسلم کو بتا نایہ پیغام پہنچانا کہ آپ کی امت نے اہل غزہ کو ناکام کیا، یا رسول اللہ صلی اللہ علیہ وسلم، اس امت نے ہمیں ناکام کیا۔  یا رسول اللہ صلی اللہ علیہ وسلم ہم  ٹکڑے ٹکڑے ہوتے رہے  اور آپ کی امت تماشا دیکھ رہی تھی۔