اردوورلڈکینیڈا( ویب نیوز ) بین الاقوامی مالیاتی فنڈ (آئی ایم ایف) نے گھانا کے لیے تین ارب ڈالر کے قرض کی منظوری دے دی۔
غیر ملکی میڈیا کے مطابق بدھ کے روز آئی ایم ایف کے ایگزیکٹو بورڈ نے شدید معاشی بحران کا شکار مغربی افریقی ملک گھانا کے لیے تین ارب ڈالر کے قرض کی منظوری دے دی جب کہ گھانا کے لیے فوری طور پر 600 ملین ڈالر جاری کرنے کا اعلان بھی کیا۔ منظوری دے دی گئی ہے۔
یہ بھی پڑھیں
آئی ایم ایف نے عالمی معیشت کے لیے خطرے کی گھنٹی بجا دی
میڈیا رپورٹس کے مطابق آئی ایم ایف کے ایگزیکٹیو بورڈ نے گھانا کے لیے تین سالہ پروگرام کے تحت قرض کی منظوری دے دی ہے جس میں فوری طور پر 600 ملین ڈالر کی تقسیم کی جائے گی تاکہ ملک کو شدید معاشی بحران سے نکالنے میں مدد ملے۔
مزید پڑھیں
تمام شرائط پوری کریں گے ، پاکستان کی آئی ایم ایف کے وفد کو یقین دہانی
آئی ایم ایف کی جانب سے جاری کردہ ایک بیان میں کہا گیا ہے کہ گھانا کے ساتھ قرض کے معاہدے پر عمل درآمد ناگزیر ہے اور گھانا کو فوری قرضے کے اجرا کی منظوری کا مقصد اس کے معاشی مسائل پر قابو پانا ہے۔ آئی ایم ایف نے کہا کہ گھانا کو دیا جانے والا نیا قرض ترقیاتی شراکت داروں کی جانب سے بیرونی فنانسنگ کی حمایت کرے گا اور اس کے مالیاتی نظام کے لیے ایک فریم ورک فراہم کرے گا۔ آئی ایم ایف کے منیجنگ ڈائریکٹر نے گھانا کو مبارکباد دیتے ہوئے کہا کہ گھانا میں اصلاحات کا ایک مضبوط پروگرام دوبارہ ترقی کا باعث بنے گا اور اس کے مالی بوجھ کو کم کرے گا۔
