آئی ایم ایف کا پاکستان میں امیر طبقے سے ٹیکس وصول کرنے اور سبسڈی ختم کرنے پر زور

160

 

اردو ورلڈ کینیڈا ( ویب نیوز)انٹرنیشنل مانیٹری فنڈ (آئی ایم ایف) نے پاکستان میں امیر طبقے سے ٹیکس وصول کرنے اور سبسڈی ختم کرنے پر زور دیا ہے۔

آئی ایم ایف کی منیجنگ ڈائریکٹر کرسٹالینا جارجیوا نے جرمن ادارے کو انٹرویو دیتے ہوئے کہا کہ سرکاری اور نجی شعبوں میں اچھی کمائی کرنے والوں کو اپنا حصہ ڈالنے کی ضرورت ہے۔ اسے ان لوگوں کو منتقل کیا جانا چاہئے جنہیں واقعی اس کی ضرورت ہے۔

ایم ڈی نے کہا کہ آئی ایم ایف نے واضح کیا ہے کہ سبسڈی سے صرف غریبوں کو فائدہ ہونا چاہیے۔ کرسٹالینا جارجیوا نے مزید کہا کہ انہیں پاکستان میں حالیہ سیلاب سے ہونے والے نقصان پر دکھ ہوا ہے، پاکستان کی ایک تہائی آبادی سیلاب سے متاثر ہوئی ہے۔