اردو ورلڈ کینیڈا ( ویب نیوز )  آئی ایم ایف  کا کہنا ہے کہ وہ پاکستان میں ہونے والی حالیہ پیش رفت کا جائزہ لے رہا ہے اور امید کرتا ہے کہ آگے بڑھنے کا پرامن راستہ نکلے گا۔

پاکستان کے لیے آئی ایم ایف کی کنٹری نمائندہ ایستھر پیریز نے اپنے بیان میں کہا کہ آئی ایم ایف اہم بیرونی شراکت داروں کی جانب سے پاکستان کو مالی امداد دینے کے اعلان کا خیرمقدم کرتا ہے، اور آئی ایم ایف باقی ضروری مالیاتی یقین دہانیوں کو حاصل کرنے کا منتظر ہے۔

یہ بھی پڑھیں

پاکستا ن کیلئے آئی ایم ایف پروگرام کی بحالی کے امکانات محدود

آئی ایم ایف کی نمائندہ ایستھر پیریز نے مزید کہا کہ نویں اقتصادی جائزے میں نظرثانی شدہ پالیسی فریم ورک کا نفاذ، فروری میں پیش کیا جانے والا منی بجٹ، توانائی کی قیمتوں میں ایڈجسٹمنٹ اہم اقدامات ہیں۔بیان میں مزید کہا گیا ہے کہ معاشی استحکام کے لیے درآمدی پابندیوں میں کمی، مارکیٹ کی بنیاد پر شرح مبادلہ، کمزور طبقات کی حمایت اہم ہے۔ میکرو اکنامک استحکام کو دوبارہ حاصل کرنے کے لیے شراکت داروں سے فنانسنگ کلید ہے۔