اردو ورلڈ کینیڈا ( ویب نیوز ) آئی ایم ایف نے پاکستان سے پالیسی ریٹ مزید بڑھانے کا مطالبہ کیا ہے۔

آئی ایم ایف کا کہنا ہے کہ مہنگائی کے استحکام کے لیے پالیسی ریٹ میں مزید اضافہ کرنے کی ضرورت ہے۔

آئی ایم ایف کے مشن چیف نیتھن پورٹر نے غیر ملکی خبر رساں ادارے سے بات کرتے ہوئے کہا کہ اگلے بجٹ کے اہداف میں اہداف کے تعین کے لیے پاکستانی حکام سے بات چیت جاری ہے۔ نیتھن پورٹر کا کہنا ہے کہ بجٹ کے اہداف کا تعین، خاص طور پر مالیاتی خسارہ، عملے کی سطح کے معاہدے کی راہ میں آخری رکاوٹوں میں سے ایک ہے۔

یہ بھی پڑھیں

پاکستان اور آئی ایم ایف کے درمیان سٹاف لیول کا معاہدہ کب ہوگا؟

دوسری جانب بین الاقوامی ادارے کی آؤٹ لک رپورٹ کے مطابق رواں سال پاکستان میں مہنگائی کی اوسط شرح 27 فیصد رہے گی، رواں مالی سال پاکستان کی اقتصادی ترقی کی شرح 5 فیصد رہنے کا امکان ہے۔عالمی ادارے کے مطابق رواں سال پاکستان کا بجٹ خسارہ 6.8 فیصد ہے جب کہ اگلے سال یہ 8.3 فیصد تک جانے کا اندازہ ہے۔واضح رہے کہ پاکستان میں اس وقت شرح سود 21 فیصد ہے۔