اردوورلڈکینیڈا( ویب نیوز )پی ٹی آئی چیئرمین نے دہشت گردی کے مقدمات میں ضمانت منسوخی کے اقدام کو لاہور ہائیکورٹ میں چیلنج کر دیا۔
درخواستوں میں انسداد دہشت گردی عدالت کے جج، تھانہ گلبرگ اور تھانہ سرور روڈ کو فریق بنایا گیا ہے۔

چیئرمین پی ٹی آئی کی جانب سے دائر درخواست میں موقف اختیار کیا گیا ہے کہ وہ انسداد دہشت گردی کی عدالت میں پیش ہوتے رہے، اس دوران توشہ خانہ کیس میں ٹرائل کورٹ نے درخواست گزار کو سزا سنائی۔
درخواست کے متن میں مزید کہا گیا ہے کہ پولیس نے سابق وزیراعظم کو گرفتار کرکے اٹک جیل منتقل کیا، جہاں سے وہ جیل میں ہونے کے باعث انسداد دہشت گردی کی عدالت میں پیش نہیں ہوئے۔
درخواست کے مطابق ٹرائل کورٹ نے چیئرمین پی ٹی آئی کی جانب سے دی گئی یقین دہانیوں کو عدم تعمیل پر مسترد کردیا۔
چیئرمین پی ٹی آئی نے استدعا کی ہے کہ ٹرائل کورٹ کا 11 اگست کو ضمانتیں منسوخ کرنے کا فیصلہ کالعدم قرار دیا جائے۔