ای سی ایل سے متعلق وفاقی کابینہ کی ذیلی کمیٹی کا اجلاس ہوا جس میں نگرا ن وزیر داخلہ سرفراز بگٹی، نگرا ن زیر مواصلات شاہد اشرف سمیت وزارت داخلہ اور دیگر اداروں کے حکام نے شرکت کی جب کہ ای سی ایل سے متعلق مختلف نوعیت کے کیسز پر غور کیا گیا
کابینہ کی ذیلی کمیٹی نے 41 افراد کے نام ای سی ایل میں ڈالنے کی سفارش کی ہے، جس میں چیئرمین پی ٹی آئی سمیت 29 دیگر کے نام نیب کی سفارش پر 19 کروڑ پاؤنڈز کے اسکینڈل پر ای سی ایل میں ڈالنے کی سفارش کی گئی ہے۔
ذرائع کا کہنا ہے کہ کمیٹی نے شہزاد اکبر، زلفی بخاری، فرح گوگی اور پراپرٹی ٹائیکون کے نام بھی ای سی ایل میں ڈالنے کی سفارش کی ہے۔
کمیٹی نے 13 مختلف نوعیت کے مقدمات ای سی ایل سے نکالنے کی بھی سفارش کی اور عدلیہ کی ہدایت پر 7 افراد کے نام ای سی ایل سے نکالنے کی سفارش کی گئی۔
اس کے علاوہ نظرثانی کے لیے پیش کی گئی اپیلوں میں سے 3 افراد کے نام ای سی ایل سے نکالنے کی سفارش کی گئی ہے۔
کابینہ کی ذیلی کمیٹی کی سفارشات کو حتمی منظوری کے لیے نگران وفاقی کابینہ کو بھجوایا جائے گا۔
