اردوورلڈ کینیڈا ( ویب نیوز )چیئرمین پی ٹی آئی پی پرویز خٹک نے کہا ہے کہ عمران خان کو ان کی ہٹ دھرمی کی وجہ سے اس دن کا سامنا کرنا پڑا۔
عمران خان کی گرفتاری پر پرویز خٹک نے ایک بیان میں کہا کہ عدالتی فیصلے نے ثابت کردیا کہ ہماری عدالتیں آزاد ہیں، فیصلے آئین اور قانون کو سامنے رکھ کر کیے جاتے ہیں۔

پرویز خٹک نے کہا کہ اس ملک میں جو بھی کرپشن، چوری یا اختیارات کا ناجائز استعمال کرے گا اس کے لیے قانون ہے، فیصلے کرنے کا اختیار عدالتوں کو ہے۔
پرویز خٹک نے کہا کہ ہمارا شروع سے مؤقف تھا کہ ہر مسئلے کو بات چیت سے حل کیا جاسکتا ہے، پارلیمنٹ کے اندر رہ کر اسمبلیاں نہ توڑیں، لیکن انہوں نے کسی کی نہیں سنی، ضد، انا اور اقتدار کی بھوک نے انہیں اس مقام تک پہنچایا۔
انہوں نے کہا کہ جس جماعت کو بنانے اور مضبوط کرنے میں برسوں لگے اسے اقتدار کی ہوس نے صرف ایک سال میں ٹکڑے ٹکڑے کر دیا
پرویز خٹک نے مزید کہا کہ اپنی ہٹ دھرمی کی وجہ سے آج انہیں یہ دن بھگتنا پڑ رہے ہیں ٹکٹوں کا لالچ دے کر ہمارے ایماندار اور معصوم نوجوانوں کو گمراہ کیا جا رہا ہے اب ایسانہیں ہونے دیا۔