اردو ورلڈ کینیڈا ( ویب نیوز )پاکستان مسلم لیگ ن کی چیف آرگنائزر مریم نواز نے کہا ہے کہ عمران خان نے جھوٹ کو بیانیہ کا نام دیا ہے۔ باجوہ اگر سپر کنگ تھے تو کیا آپ باجوہ کے ملازم تھے؟
لاہور میں مسلم لیگ ن کے کارکنوں سے خطاب کرتے ہوئے مریم نواز نے کہا کہ ن لیگ نے ای کامرس اور آئی ٹی کے شعبے میں قدم اٹھایا، سستے قرضوں کی اسکیمیں بھی ہمارے دور میں شروع کی گئیں، عمران خان نے جیل بھرو تحریک کی بات کی۔
عمران خان پر تنقید کرتے ہوئے مریم نواز نے کہا کہ عمران خان نے بیانیہ کو جھوٹ کا نام دیا ہے اور اس کے لیے انہوں نے سوشل میڈیا کا سہارا لیا۔ عمران خان کا بیانیہ بے بنیاد الزامات پر مبنی ہے
کہتے ہیں جیلیں بھرو، عمران خان کی جیبیں بھرو اور عوام کے بچے جیل جائیں، عوام کے بچے جیلیں کیوں بھریں؟
مسلم لیگ ن کی چیف آرگنائزر کا کہنا تھا کہ عمران خان ایک کروڑ نوکریوں کا ڈرامہ کرکے بھاگ گئے، عمران خان نے نوجوانوں کے نام پر عوام کو بے وقوف بنایا، ذہنی مریضوں کی سیاست شروع کردی گئی ہے، عمران خان خود ذہنی مریض تھے، قوم کو بھی بنا رہے ہیں۔
مریم نواز نے کہا کہ عمران خان نے دوسرے ممالک سے پاکستان کے تعلقات خراب کیے، سائفر کے بیانیے کی تدفین زمان پارک میں ہوئی، آپ نے بیرون ممالک میں انٹرویوز د ئیے کہ کوئی سازش نہیں ہوئی
انہوں نے کہا کہ میں نے پہلے بھی کہا تھا کہ دھوکہ دہی کے سوا کچھ نہیں
مسلم لیگ ن کی چیف آرگنائزر نے کہا ہے کہ آج سوال پوچھا جائے کہ ہمیں کیوں بے وقوف بنایا گیا، جھوٹے بیانیے پر عوام کو غدار اور ایجنٹ کہا، اپنے جھوٹ پر کوئی افسوس، کوئی شرم ؟
