ishtiaq ahmed 
اردو ورلڈ کینیڈا ( ویب نیوز )چیئرمین تحریک انصاف عمران خان نے کہا ہے کہ بڑے چور اربوں روپے کی چوری کے مقدمات ختم کر رہے ہیں، جب کہ میرے خلاف ہر روز نئی ایف آئی آر درج ہوتی ہے، مجھے عدالتوں میں جانا پڑتا ہے، میں ڈرنے والا نہیں، کھڑا ہوں۔ چوروں کے سامنے ڈٹ کرکھڑا ہوں جیل چھوٹی چیز ہے، جان قربان کرنے کو تیار ہوں، جلد کال دینے والا ہوں
سابق وزیراعظم عمران خان نے زرعی یونیورسٹی راولپنڈی کے میدان میں خطاب کرتے ہوئے کہا کہ زنجیریں ٹوٹتی ہیں، آزادی چھیننی پڑتی ہے، جیل چھوٹی چیز ہے، جان بھی دے سکتا ہوں، صرف بزدل اور خود غرض لوگ کھڑے نہیں ہوں گے۔ ناانصافی کے خلاف آواز اٹھانا جہاد ہے، اگر کوئی ملک کو لوٹنا چاہتا ہے تو میں ان چوروں کے سامنے کھڑا ہوں۔
چیئرمین تحریک انصاف نے طلبہ سے خطاب کرتے ہوئے کہا کہ آج آپ لوگوں کو میری بات بہت آرام سے سننی ہے، تاریخ میں ضروری ہے کہ نوجوانوں کو باہر نکلا جائے، میں یہاں طلبہ کو تیار کرنے آیا ہوں، سب کی حقیقی آزادی کے لیے . باہر نکلنا ہے، آپ سب کو تیاری کرنی ہے، یہ سیاست نہیں جہاد ہے، ملک کی 60 فیصد کابینہ ضمانت پر ہے، دنیا بھر کے انقلابات میں طلبہ آگے آئے، ارسطو نے کہا کہ معاشرے میں ناانصافی ہو تو تمام لوگ اس کا شکار ہوں گے۔
عمران خان نے کہا کہ میں نے کرکٹ سے سیاست تک چیلنج لیا، بزدل کبھی لیڈر نہیں بن سکتا، نواز شریف ہر مشکل وقت میں باہر نکلتے ہیں، غلام جوتے پالش کرتے ہیں، لیڈر آزاد ہو جاتے ہیں، امریکی سازش کے تحت ہماری حکومت ہٹائی گی یہ امریکہ میں بھیک مانگنے جا رہے ہیں، انہیں کوئی شرم نہیں، یہ ملک کا پیسہ چوری کر کے باہر محلوں میں رہتے ہیں۔
