اردو ورلڈ کینیڈا ( ویب نیوز ) توشہ خانہ کیس میں پیشی کے لیے عمران خان زمان پارک لاہور سے اسلام آباد روانہ ہوگئے۔ عمران خان کارواں کی شکل میں موٹروے کے ذریعے اسلام آباد پہنچیں گے۔
توشہ خانہ کیس کی سماعت آج جوڈیشل کمپلیکس کی نیب کورٹ نمبر ایک میں ہوگی، ایڈیشنل سیشن جج ظفر اقبال نے عمران خان پر فرد جرم عائد کرنے کے لیے طلب کر رکھا ہے ۔سیشن عدالت نے مسلسل غیر حاضری پر عمران خان پر فرد جرم عائد کرنے کے لیے 31 جنوری کی تاریخ مقرر کی تھی۔
یہ بھی پڑھیں
توشہ خانہ کیس، اسلام آباد ہائیکورٹ نے عمران خان کے وارنٹ گرفتاری معطل کردئیے
سیشن عدالت نے 28 فروری کو ان کے ناقابل ضمانت وارنٹ گرفتاری جاری کیے، اسلام آباد ہائی کورٹ نے 7 مارچ کو وارنٹ گرفتاری معطل کرتے ہوئے 13 مارچ کو پیش ہونے کا حکم دیا۔عمران خان کے 13 مارچ کو پیش نہ ہونے پر ان کے ناقابل ضمانت وارنٹ گرفتاری بحال کر دیے گئے تھے۔سیشن عدالت نے 18 مارچ کو عمران خان کے ناقابل ضمانت وارنٹ گرفتاری جاری کرتے ہوئے انہیں پیش کرنے کا حکم دیا تھا۔
اسلام آباد ہائی کورٹ نے 17 مارچ کو وارنٹ معطل کرتے ہوئے عمران خان کو آج پیش ہونے کا حکم دیا تھا۔چیف کمشنر اسلام آباد نے گزشتہ روز توشہ خانہ کیس کی سماعت عدالت سے جوڈیشل کمپلیکس منتقل کر دی تھی۔
مزید پڑھیں
