عمران خان،شاہ محمود، شیخ رشید سمیت دیگر توڑپھوڑ کے کیس میں بری کردئیے گئے

36

اردوورلڈ کینیڈا( ویب نیوز)ڈسٹرکٹ اینڈ سیشن کورٹس اسلام آباد نے پی ٹی آئی کے بانی عمران خان، شاہ محمود قریشی، شیخ رشید اور دیگر کو آزادی مارچ کی توڑ پھوڑ سے متعلق کیس میں بری کر دیا.
جوڈیشل مجسٹریٹ ملک عمران نے پولیس سٹیشن I نائن میں رجسٹرڈ کیس میں آزادی مارچ کی توڑ پھوڑ اور فسادات کے حوالے سے محفوظ فیصلہ سنایا.
عدالت نے پی ٹی آئی کے بانی عمران خان، شیخ رشید، شاہ محمود قریشی کو کیس سے بری کر دیا، بری ہونے والوں میں صداقت عباسی، علی نواز اعوان اور دیگر ملزمان بھی شامل ہیں.
یاد رہے کہ پی ٹی آئی کی قیادت کے خلاف 2022 میں دفعہ 144، توڑ پھوڑ کی دفعات کے تحت مقدمہ درج کیا گیا تھا.
بانی پی ٹی آئی عمران خان اور دیگر کی جانب سے سردار محمد خرجی خان ایڈووکیٹ، علی بخاری ایڈووکیٹ، آمنہ علی اور دیگر نے دلائل دئیے ۔