اردو ورلڈ کینیڈا ( ویب نیوز ) سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے اکتوبر کے تیسرے ہفتے میں لانگ مارچ شروع کرنے کا عندیہ دیتے ہوئے پارٹی عہدیداروں کو ہدایات جاری کر دیں۔
عمران خان کی زیر صدارت پی ٹی آئی کے ضلعی صدور اور جنرل سیکرٹریز کا اجلاس ہوا، جس میں لانگ مارچ سے متعلق امور پر تبادلہ خیال کیا گیا۔
اجلاس سے خطاب کرتے ہوئے عمران خان نے پارٹی عہدیداروں کو لانگ مارچ میں عوام کی بھرپور شرکت کو یقینی بنانے کی ہدایات جاری کیں۔ عمران خان نے کہا کہ حقیقی آزادی کا وقت آگیا ہے اور پارٹی کارکنوں کو لانگ مارچ کی تیاریاں تیز کرنے کی ہدایت کی ہے۔
عمران خان نے اپنی پارٹی کے کارکنوں سے کہا کہ وہ اپنی توجہ قومی اسمبلی کی نو اور پنجاب اسمبلی کی تین نشستوں پر ہونے والے ضمنی انتخابات پر مرکوز رکھیں جو کہ 25 اکتوبر کو ہونے والے ہیں۔