عمران خان آج اسلام آباد ہائیکورٹ میں پیش ہوں گے ،عدالت سے ضمانت حاصل کریں گے

105

اردو ورلڈ کینیڈا ( ویب نیوز )پاکستان تحریک انصاف کے چیئرمین عمران خان پیرکو اسلام آباد کی عدالت میں پیش ہوں گے۔

سابق وزیراعظم عمران خان کی زیرصدارت اجلاس ہوا جس میں گزشتہ روز اسلام آباد کی عدالت میں پیشی کے معاملے پر غور کیا گیا، چیئرمین تحریک انصاف عمران خان نے پارٹی قیادت اور قانونی ٹیم سے مشاورت کی۔
اجلاس میں فیصلہ کیا گیا کہ عمران خان عدالت میں پیشی کے لیے صبح اسلام آباد جائیں گے، اس مقصد کے لیے فواد چوہدری قانونی ٹیم کے ہمراہ اسلام آباد سے روانہ ہوئے، مرکزی قیادت بھی اسلام آباد پہنچے گی۔
عمران خان جوڈیشل کمپلیکس میں توڑ پھوڑ کے مقدمات سے متعلق اسلام آباد ہائیکورٹ سے رجوع کریں گے، سابق وزیراعظم 5 مقدمات میں عبوری ضمانت حاصل کرنے اسلام آباد روانہ ہوں گے۔