189
اردوورلڈ کینیڈا ( ویب نیوز)پاکستان تحریک انصاف کے چیئرمین اور سابق وزیراعظم عمران خان نے کہا ہے کہ میری جان لینے کی کسی بھی کوشش کے ذمہ دار وہی لوگ ہونگے جن کی نشاندہی کرچکا ہوں
اپنے بیان میں عمران خان نے کہا کہ وزیر داخلہ کہتے ہیں کہ میری جان کو بیرونی ایجنسیوں سے خطرہ ہے، پوری قوم پر واضح کر دوں کہ میری جان کو صرف 3 لوگوں سے خطرہ ہے، جن پر میں نے قاتلانہ حملے کا الزام لگایا۔ میں نے ایک ویڈیو پیغام میں ان تینوں سمیت مزید 3 لوگوں کی شناخت کی ہے۔
یہ بھی پڑھیں
گھر پر حملہ کرنے والوں کے خلاف عدالت جائوں گا،عمران خان
انہوں نے کہا کہ اسی طرح اب وہ بیرونی ایجنسیوں کی آڑ میں ایک اور شیطانی چال چلنے کی کوشش کر رہے ہیں، میں اپنی قوم پر واضح کر دینا چاہتا ہوں کہ میری جان لینے کی کسی بھی کوشش کی ذمہ داری وہی لوگ ہوں گے جن کی میں نے نشاندہی کی ہے۔
چیئرمین پی ٹی آئی کا مزید کہنا تھا کہ انہیں ڈر ہے کہ میں منتخب ہو کر اقتدار میں واپس آؤں گا، انہیں ڈر ہے کہ میں ان کا احتساب کروں گا، وہ مجھے مارنے کی ہر ممکن کوشش کررہے ہیں۔
