اردو ورلڈ کینیڈا ( ویب نیوز)سابق وزیراعظم اور پاکستان تحریک انصاف کے سربراہ عمران خان نے لاہور کے زمان پارک میں واقع اپنی رہائش گاہ سے پی ٹی آئی کے حامیوں سے ویڈیو لنک کے ذریعے خطاب کرتےہوئے کہا کہ آئندہ جمعہ کو دونوں اسمبلیاں ہم تحلیل کردیں گے انہوں نے کہا کہ میں عوام کو بتانا چاہتا ہوں کہ میں نے دو صوبائی اسمبلیوں سے نکلنے کا فیصلہ کیوں کیا انہوںنے کہا کہ میں نے یہ فیصلہ اس لئے کیا ہے کہ موجودہ امپورٹڈ حکومت کو ملک کی کوئی فکر نہیں ہے
جب تک ملک میں آزاد اور شفاف الیکشن نہیں ہوتے پاکستان ترقی نہیں کرسکتاموجودہ حکومت پر تنقید کرتے ہوئے عمران خان نے کہا کہ بے روزگاری اور مہنگائی بڑھ رہی ہے اور ملک میں غیر ملکی اعتماد ختم ہو گیا ہے جس کی وجہ سے سرمایہ کاری ختم ہو رہی ہے۔
انہوں نے مزید کہا کہ پاکستان ڈیموکریٹک موومنٹ (PDM) کی قیادت میں حکومت کے پاس ملک کا امیج اور معیشت بہتر کرنے کا کوئی منصوبہ نہیں ، انہوں نے مزید کہا کہ وہ صرف "NRO 2” حاصل کرنے کے لیے اقتدار میں آئے تھے۔
پی ٹی آئی کے سربراہ نے حکمران اتحاد پر تنقید کرتے ہوئے کہا کہ ان کا سارا پیسہ اور کاروبار اور بچے بیرون ملک ہیں انہیں پاکستان اور نہ ہی قوم کی فکر ہے کرپٹ ٹولہ ملک کوتباہی کی طرف لے کر جائے گا
عو ام کا اعتماد توڑنے والے اب اسمبلیاں توڑ رہے ہیں،شہبازشریف
عمران خان نے کہا کہ 750,000 سے زیادہ پاکستانی ملک کی حالت سے مایوس ہو کر ملک چھوڑ گئے۔ انہوں نے کہا کہ ہم اسمبلیاں توڑ کر ملک کو الیکشن کی طرف لے کرجانا چاہتے ہیں قوم ہمارے ساتھ ہیں اورہم اب دیکھیں گے کہ یہ الیکشن کی طرف کیسے نہیں جاتے۔
