اردو ورلڈ کینیڈا ( ویب نیوز ) امپورٹڈ حکومت مسلط کرنیوالوں کا مقابلہ کروں گا ان خیالات کا اظہار پاکستان تحریک انصاف کے چیئر مین اور سابق وزیراعظم عمران خان نے کنونشن سے خطاب کرتے ہوئے کیا انہو ں نے کہا کہ 30 سال سے ملک کو لوٹنے کی غیر ملکی سازش کے نتیجے میں چور پچھلے دروازے سے اقتدار میں آئے، نواز شریف سزا یافتہ بھگوڑا ہے
عمران خان نے سوال کیا کہ زرداری کی کرپشن پر بین الاقوامی سطح پر کتابیں لکھی گئی ہیں، کیا یہ چور ہمارے مستقبل کا فیصلہ کریں گے؟
پی ٹی آئی رہنما شہباز گل کی گرفتاری پر ردعمل دیتے ہوئے پی ٹی آئی چیئرمین نے کہا کہ گل کو جیل میں تشدد کا نشانہ بنایا گیا، میں نے کہا جس نے شہباز گل پر تشدد کیا اسے کٹہرے میں لایا جائے، میرے خلاف دہشت گردی کا مقدمہ درج کیا گیا ہے، ہم قانون کی حکمرانی چاہتے ہیں۔
عمران خان نے مزید کہا کہ ایک راستہ درست ہے، دوسرا تباہی ہے۔ لوگوں کو خرید کر ان لوگوں نے ہماری حکومت گرا دی اور ملک پر امپورٹڈ حکومت مسلط کر دی۔ وہ اور جو ان کے پیچھے ہیں جب تک میری جان ہے میں ان کے خلاف لڑوں گا۔
