اردوورلڈ کینیڈا ( ویب نیوز )چیئرمین پی ٹی آئی سزا معطلی کے باوجود اٹک جیل میں ہی رہیں گے۔ وہ سائفر کیس میں 30 اگست تک جوڈیشل ریمانڈ پر ہیں۔
اسلام آباد ہائی کورٹ نے توشہ خانہ کیس میں عمران خان کی سزا معطل کردی، تاہم وہ جیل میں ہی رہیں گے، اب انہیں سائفر کیس میں گرفتار کرلیا گیا ہے۔

عدالتی حکم کے مطابق سپرنٹنڈنٹ ڈسٹرکٹ جیل اٹک کو احکامات جاری کیے گئے ہیں کہ چئیرمین پی ٹی آئی سائفر کیس میں جوڈیشل ریمانڈ پر جیل میں ہوں گے، عدالت نے چیئرمین پی ٹی آئی کو 30 اگست کو پیش کرنے کا حکم دیا ہے۔
واضح رہے کہ عمران خان اور شاہ محمود قریشی کے خلاف ایف آئی اے کے انسداد دہشت گردی ونگ میں سائفر مواد غائب کرنے اور آڈیو لیک ہونے کے حوالے سے آفیشل سیکرٹ ایکٹ کے تحت مقدمہ درج کیا گیا ہے۔
سزا معطلی کے فیصلے کے بعد اٹک جیل کی سیکیورٹی ہائی الرٹ کر دی گئی، پولیس نے راولپنڈی جیل کے گرد پل لگا دیے، راولپنڈی ایلیٹ کمانڈوز کی بھاری نفری بھی تعینات کر دی گئی۔
جیل ذرائع کے مطابق اٹک جیل کی سیکیورٹی ہائی الرٹ ہونے کے باعث بشریٰ بی بی کو بھی جیل کے باہر روک دیا گیا، اس کے باوجود جیل سپرنٹنڈنٹ نے بشریٰ بی بی کو اندر جانے کی اجازت نہیں دی۔