اردو ورلڈ کینیڈا ( ویب نیوز )پاکستان تحریک انصاف کے چیئرمین عمران خان نے کہا ہے کہ ملک میں یزیدیت کے خلاف آخری دم تک مزاحمت کریں گے۔
سوشل میڈیا ویب سائٹ ٹویٹر پر اپنے پیغام میں سابق وزیراعظم نے کہا کہ ہمارے گرفتار کارکنوں کو گرم موسم میں تنگ اور تاریک سیلوں میں گھونسے مارے گئے ہیںیہ بحیثیت قوم ہماری موت ہے۔
پاکستان تحریک انصاف کے خلاف حکومتی کریک ڈاؤن اور رہنماؤں کی پارٹی سے علیحدگی کے معاملے کے حوالے سے عمران خان کا کہنا تھا کہ تحریک انصاف کے کارکنوں اور حامیوں کی طرح وائس چیئرمین شاہ محمود قریشی کو بھی پھرگرفتار کیا گیا ہے اب ہم مکمل طور پر جنگل کے قانون کے تحت ہیں۔
انہوں نے کہا کہ یہاں جس کی لاٹھی اس کی بھینس وہی اصل آئین ہے، ملک میں اس لاقانونیت کی راہ میں واحد رکاوٹ ہماری عدلیہ ہے، سپریم کورٹ کے احکامات کے ساتھ ساتھ آئین کو بھی پامال کیا جا رہا ہے۔
Vice Chairman PTI Shah Mehmood Qureshi rearrested after getting bail just like PTI workers and supporters.
We are now being governed by law of the jungle, might is right and the only thing standing in its way is our judiciary.
The constitution is being brazenly violated along…
— Imran Khan (@ImranKhanPTI) May 23, 2023
عمران خان نے کہا کہ پولیس تحریک انصاف کو کچلنے کا سلسلہ جاری رکھے ہوئے ہے، ہمارے رہنماؤں کو تحریک انصاف چھوڑنے پر مجبور کیا جا رہا ہے، اور انسانی حقوق کا خون کیا جا رہا ہے۔
سابق وزیراعظم نے کہا کہ میڈیا کا گلا گھونٹ دیا گیا ہے، جب کہ سوشل میڈیا کارکنوں کو دھمکیاں دی جارہی ہیں، انہوں نے کہا کہ عدالتی احکامات کے باوجود عمران ریاض کو عدالت میں پیش نہیں کیا جا رہا۔
