اردو ورلڈ کینیڈا ( ویب نیوز)پی ٹی آئی رہنما حماد اظہر نے کہا ہے کہ پی ٹی آئی چیئرمین عمران خان دو سے تین روز میں سیاسی میدان میں واپس آجائیں گے۔
عمران خان جمعرات کو اس وقت حملے میں زخمی ہوئے جب وہ اپنے کنٹینر کے اوپر کھڑے پی ٹی آئی کے دیگر رہنماؤں کے ساتھ لانگ مارچ کی قیادت کر رہے تھے۔
میڈیا سے گفتگو کرتے ہوئے پی ٹی آئی رہنما نے کہا کہ عمران خان پر قاتلانہ حملے کے خلاف پارٹی اپنا پرامن احتجاج جاری رکھے گی۔
حماد اظہر نے کہا کہ وزیر آباد میں 3 نومبر کو عمران خان پر بندوق کے حملے میں جان کی بازی ہارنے والے نوجوان معظم گوندل کے اہل خانہ کو امداد دی جائے گی
انہوں نے کہا کہ وہ معظم کے سوگوار خاندان کو لے کر شوکت خانم ہسپتال میں عمران خان سے ملاقات کریں گے۔ حماد اظہر نے کہا کہ پی ٹی آئی نے معظم کے بچوں کو 50 لاکھ روپے د ئیے ہیں اور پنجاب حکومت بھی ایک دو دن میں مزید 50 لاکھ روپے سوگوار خاندان کو دے گی۔
انہوں نے مزید کہا کہ معظم کے بچوں کے تمام اخراجات پی ٹی آئی برداشت کرے گی۔
125
