اردو ورلڈ کینیڈا ( ویب نیوز )عمران خان نے کہا ہے کہ توشہ خانہ تحفے کے دعوے پر قانونی کارروائی کر ینگے
ان کا کہنا تھا کہ ان کے خلاف بے بنیاد کہانی رچی گئی۔چیئرمین عمران خان نے بدھ کو توشہ خانہ کے تحائف کی فروخت کے دعووں پر قانونی کارروائی کرنے کا اعلان کر دیا۔
سابق وزیراعظم عمران خان نے ایک ٹوئٹ میں کہا کہ ایک مشہور فراڈ اور بین الاقوامی طور پر مطلوب مجرم نے بے بنیاد کہانی رچی۔
سابق وزیراعظم نے اعلان کیا کہ وہ نہ صرف پاکستان بلکہ برطانیہ اور متحدہ عرب امارات میں بھی ‘دھوکہ باز’ کے خلاف مقدمہ دائر کریں گے۔
ایک روز قبل معلوم ہوا تھا کہ سعودی ولی عہد محمد بن سلمان کی جانب سے سابق وزیراعظم عمران خان کو تحفے میں دی گئی کم از کم 7.5 ملین درہم مالیت کی ایک مہنگی انمول گھڑی شہزاد اکبر نے دبئی کے بزنس مین عمر فاروق ظہور کو فروخت کی تھی۔
کروڑ پتی تاجر عمر فاروق ظہور کے پاس یہ ثابت کرنے کے لیے مکمل شواہد موجود ہیں کہ اس نے شہزاد اکبر سے نایاب گراف گھڑی اور تین دیگر توشہ خریدے
تاجر کا کہنا ہے کہ بعد میں اسے بلیک میل کیا گیا اور وفاقی تحقیقاتی ادارے نے شہزاد اکبر کے تحت اس کے خلاف منی لانڈرنگ کے جعلی مقدمات درج کیے جب اس نے اپنی سابقہ اہلیہ صوفیہ مرز اکے مطالبات کو ماننے سے انکار کر دیا۔
