175
اردو ورلڈ کینیڈا ( ویب نیوز )بلوچستان ہائی کورٹ نے تحریک انصاف کے چیئرمین عمران خان کے وارنٹ گرفتاری 2 ہفتوں کے لیے معطل کر دئیے
بلوچستان ہائی کورٹ کے جج جسٹس ظہیرالدین کاکڑ نے فریقین کو نوٹس جاری کرتے ہوئے وکلا کو آئندہ سماعت پر بیان حلفی پیش کرنے کی ہدایت کی ،آئینی درخواست کی سماعت 2 ہفتے بعد ہوگی۔
چیئرمین پی ٹی آئی عمران خان پر کوئٹہ میں درج مقدمے کے خلاف بلوچستان ہائی کورٹ سے رجوع کیا تھا۔
درخواست میں موقف اختیار کیا گیا کہ چیئرمین پی ٹی آئی عمران خان کے خلاف مقدمہ غیر قانونی طور پر درج کیا گیا ہے۔ کوئٹہ کے تھانہ بجلی روڈ میں درج مقدمہ خارج کیا جائے۔
بلوچستان ہائی کورٹ میں چیئرمین پی ٹی آئی کے خلاف مقدمہ خارج کرنے کی درخواست جمع کرانے کے موقع پر پی ٹی آئی کے صوبائی صدر قاسم خان سوری اور عمران خان کی قانونی ٹیم بھی موجود تھی۔
