اردو ورلڈ کینیڈا( ویب نیوز )تحریک انصاف کے چیئرمین عمران خان پیر کو لاہور میں خاتون صحافی صدف نعیم کی رہائش گاہ پر گئے اور اہل خانہ سے تعزیت کی۔
پی ٹی آئی چیئرمین نے صدف نعیم کی والدہ اور بچوں سے اظہار تعزیت کرتے ہوئے دعا کی کہ اللہ تعالی مرحومہ کی مغفرت فرمائے اور لواحقین کو صبر جمیل عطا فرمائے۔
تعزیت کے بعد عمران خان لانگ مارچ کی ریلی میں شرکت کے لیے کوموکے روانہ ہوگئے۔
گزشتہ روز صدف پی ٹی آئی کے لانگ مارچ کی کوریج کر رہی تھیں کہ عمران خان کے کنٹینر تلے کچل کر جاں بحق ہو گئیں۔
مقتولہ چینل 5 کی رپورٹر تھی۔ صدف کنٹینر سے گر گئی جس کے بعد اسے گاڑی نے کچل دیا۔
چیئرمین پی ٹی آئی عمران خان شہید خاتون صحافی صدف نعیم کے گھر تعزیت کیلئے پہنچ گئے، والدہ عمران خان کو دیکھ کر آبدیدہ ہو گئیں! pic.twitter.com/ROlyGSm5p9
— Hassan Hafeez (@hassanarynews) October 31, 2022
