اردو ورلڈ کینیڈا ( ویب نیوز) لاہور ہائیکورٹ نے توشہ خانہ کیس میں پاکستان تحریک انصاف کے چیئرمین عمران خان کی نااہلی کے خلاف لارجر بینچ تشکیل دینے کی سفارش کر دی۔
لاہور ہائیکورٹ میں پی ٹی آئی چیئرمین عمران خان کو پارٹی چیئرمین کے عہدے سے ہٹانے کی درخواست پر سماعت ہوئی۔
لاہور ہائیکورٹ کے جسٹس محمد ساجد محمود سیٹھی نے محمد آفاق کی درخواست پر سماعت کی کیس میں وفاقی حکومت، الیکشن کمیشن، عمران خان اور دیگر کو فریق بناتے ہوئے جواب جمع کرانے کی ہدایت کردی۔
عدالت نے کہا کہ درخواست میں اٹھائے گئے اہم اور قانونی نکات کی تشریح کے لیے لارجر بنچ تشکیل دیا جائے۔
لاہور ہائیکورٹ نے جمعہ کو ایک درخواست پر لارجر بینچ تشکیل دینے کی سفارش کرتے ہوئے فائل چیف جسٹس لاہور ہائیکورٹ کو بھجوا دی۔
الیکشن کمیشن کے وکیل عدیل اشرف نے جواب داخل کرنے کے لیے 15 دن کی مہلت مانگی جس پر عدالت نے ای سی پی کے وکیل کو مہلت دے دی۔
