سماجی رابطے کی ویب سائٹ ایکس پر عمران خان کے اکاؤنٹ پر پوسٹ کیے گئے پیغام میں ان کا کہنا تھا کہ آئین کا تحفظ عدلیہ اور قانونی برادری کی قانونی ذمہ داری ہے
اپنے پیغام میں سابق وزیر اعظم نے کہا کہ اس لیے وکلاء برادری کو چاہیے کہ وہ پاکستان کے عوام کے حقوق کے تحفظ کے لیے ایک تحریک شروع کریں اور اس کی قیادت کریں،عوام کو ووٹ دینے، اپنے لیڈروں کو منتخب کرنے اور اپنی مرضی کا انتخاب کرنے کی اجازت دی جائے
سابق وزیراعظم نے کہا کہ یہ بات ثانوی ہے کہ شہری کس لیڈر کو منتخب کرتے ہیں لیکن عوام کو ان کا بنیادی اور لازمی حق دیا جانا چاہیے جو آئین میں درج ہے کہ وہ اپنے نمائندے منتخب کریں۔
𝐂𝐡𝐚𝐢𝐫𝐦𝐚𝐧 𝐈𝐦𝐫𝐚𝐧 𝐊𝐡𝐚𝐧 𝐜𝐨𝐧𝐯𝐞𝐲𝐞𝐝 𝐭𝐡𝐞 𝐟𝐨𝐥𝐥𝐨𝐰𝐢𝐧𝐠 𝐦𝐞𝐬𝐬𝐚𝐠𝐞 𝐭𝐡𝐫𝐨𝐮𝐠𝐡 𝐡𝐢𝐬 𝐟𝐚𝐦𝐢𝐥𝐲 𝐨𝐧 𝐖𝐞𝐝 𝟑𝟏𝐬𝐭 𝐎𝐜𝐭:
It is the fiduciary duty of the judiciary and the lawyers to protect the Constitution, upon which rests the progress of…
— Imran Khan (@ImranKhanPTI) November 1, 2023
انہوں نے مزید کہا کہ پاکستان ایک دوراہے پر کھڑا ہے، ایک نازک موڑ پر جہاں ہم اپنے نظام انصاف کی مسلسل تباہی کا مشاہدہ کر رہے ہیں۔
عمران خان نے خبردار کیا کہ اگر شہری انصاف کے لیے نہیں لڑیں گے، اگر وہ ججوں کے پیچھے نہیں کھڑے ہوں گے، اگر وہ طاقت کے ذریعے حکمرانی کے خلاف نہیں کھڑے ہوں گے توہم اس ملک میں آئینی بالادستی قائم نہیں کر سکیں گے۔
