10
اردوورلڈکینیڈا( ویب نیوز)راولپنڈی کی انسدادِ دہشت گردی عدالت (اے ٹی سی) نے بانی پاکستان تحریکِ انصاف کی بہن علیمہ خان کے خلاف غیر حاضری پر ناقابلِ ضمانت وارنٹ جاری کر دیے ہیں۔
یہ وارنٹ 26 نومبر کے احتجاج کے دوران درج مقدمے کی سماعت کے دوران جاری کیے گئے، جس میں علیمہ خان اور ان کے وکیل عدالت میں پیش نہیں ہوئے۔
عدالت نے کہا کہ علیمہ خان کی غیر حاضری کا کوئی جواز موجود نہیں اور نہ ہی انہیں کسی قسم کا استثنیٰ حاصل ہے۔ دورانِ سماعت این سی سی آئی کے سلمان نیاز کو گواہان کی فہرست میں شامل کرنے کی درخواست منظور کر لی گئی۔ پراسیکیوٹر کی جانب سے این سی سی آئی اے کے اسسٹنٹ ڈائریکٹر کو بھی گواہان کی فہرست میں شامل کرنے کی درخواست عدالت نے منظور کی۔
اے ٹی سی نے علیمہ خان کے خلاف مقدمے کی مزید سماعت کو کل تک کے لیے ملتوی کر دیا ہے۔ عدالت کے اس اقدام سے علیمہ خان پر قانونی دباؤ بڑھ گیا ہے اور آئندہ سماعت میں ان کے غیر حاضری کی صورتحال اہمیت اختیار کر جائے گی۔
