اردو ورلڈ کینیڈا ( ویب نیوز )وزیراعظم شہباز شریف نے کہا ہے کہ 9 مئی کو ریاست، اس کی علامتوں اور حساس تنصیبات پر حملے ہوئے جس کی جڑیں عمران نیازی کی تقاریر کے مندرجات میں پوشیدہ ہیں۔
سوشل میڈیا ویب سائٹ ٹوئٹر پر اپنے پیغام میں وزیراعظم شہباز شریف کا کہنا تھا کہ عمران نیازی نے اپنی سیاسی تحریک کو حق اور باطل کے درمیان جنگ قرار دیا، عمران نیازی نے اپنے موقف کی حمایت کے لیے مذہبی تصویر کشی کی، مسلسل مسلح افواج، آرمی چیف کو بدنام کیا گیا۔
The roots of the mutinous attack on the state, its symbols & sensitive installations on May 9 lie in the contents of Imran Niazi's speeches over the past one year. He has liberally deployed religious imagery to brand his political agitation as a war between truth & falsehood. He…
— Shehbaz Sharif (@CMShehbaz) May 17, 2023
وزیراعظم نے کہا کہ بہت چالاکی سے حقیقی آزادی کے نعرے لگا کر ایک گروپ تیار کیا گیا، گروپ کو تیار کرنے کا مقصد انہیں تشدد پر اکسانا تھا، 9 مئی کو مشاہدہ سامنے آیا، ان کی تقریریں سنیں آپ کو اپنے جوابات مل جائیں گے۔
