وسطی غزہ میں الامال اسپتال کے قریب اسرائیلی بمباری سے 20 فلسطینی شہید ہوگئے جب کہ نصرت پناہ گزین کیمپ پر صہیونی حملے میں متعدد افراد کی شہادت کی اطلاعات ہیں۔جنوبی غزہ میں رفح کے علاقے میں اسرائیلی حملے کے بعد علاقے میں آگ بھڑک اٹھی جب کہ نصرت کیمپ میں 7 فلسطینی اور المغازی کیمپ پر حملے میں مزید 20 فلسطینی شہید ہوگئے۔پناہ گزینوں کے کیمپ، ہسپتال، سکول اور مذہبی عبادت گاہیں اسرائیل کی وحشیانہ کارروائیوں سے محفوظ نہیں تھیں۔عالمی ادارہ صحت کے مطابق اسرائیلی حملوں سے بچنے کے لیے ہزاروں فلسطینی وسطی غزہ اور خان یونس سے نقل مکانی پر مجبور ہوگئے ہیں جب کہ اسرائیل نے اقوام متحدہ کے اہلکاروں کے لیے خودکار ویزوں کا اجرا بھی روک دیا ہے۔
یہ بھی پڑھیں
اسرائیل کا غزہ پر بڑا فضائی حملہ،30 فلسطینی شہید
ادھر مقبوضہ مغربی کنارے میں اسرائیلی ڈرون حملے میں 6 فلسطینی شہید ہوگئے جب کہ رام اللہ میں اسرائیلی کارروائیوں کے دوران فلسطینیوں کے درمیان جھڑپوں میں ایک اسرائیلی فوجی زخمی بھی ہوا۔فلسطینی اتھارٹی کے مطابق 7 اکتوبر سے شروع ہونے والی کارروائیوں کے تحت مقبوضہ فلسطینی علاقوں میں روزانہ کم از کم 42 چھاپے مارے جا رہے ہیں۔دوسری جانب اسرائیلی جارحیت کے جواب میں غزہ میں فلسطینی مزاحمتی گروپوں کی جانب سے شدید مزاحمت جاری ہے۔ گزشتہ روز حماس کے جوابی حملوں میں مزید 3 اسرائیلی فوجیوں کی ہلاکت کی تصدیق کی گئی تھی۔
مزید پڑھیں
غزہ میں اسرائیلی فوج کی رہائشی علاقوں پر شدید بمباری، مزید 250 فلسطینی شہید
امریکی تھنک ٹینکس القسام بریگیڈ کے مزاحمت کاروں نے اسرائیلی ٹینک اور بلڈوزر تباہ کر کے متعدد اسرائیلی فوجیوں کو ہلاک کر دیا، گزشتہ 5 دنوں میں 24 اسرائیلی فوجی مارے گئے۔ غزہ میں اسرائیل کی زمینی کارروائی کے آغاز سے اب تک ہلاک ہونے والے اسرائیلی فوجیوں کی تعداد 165 سے تجاوز کر گئی ہے۔اپنے نقصانات کا اعتراف کرتے ہوئے اسرائیل نے اعتراف کیا ہے کہ اسرائیل اب تک غزہ میں شروع کی گئی جنگ میں خاطر خواہ کامیابی حاصل کرنے میں ناکام رہا ہے اور حماس کے خلاف میدان جنگ میں اپنے مقاصد حاصل کرنا آسان نہیں ہوگا۔واضح رہے کہ غزہ میں 7 اکتوبر سے اب تک شہید ہونے والے فلسطینیوں کی تعداد 21 ہزار 110 سے تجاوز کر گئی ہے، جب کہ 55 ہزار 243 سے زائد افراد زخمی ہوئے ہیں، زخمیوں اور شہداء میں سے نصف سے زیادہ صرف بچے اور خواتین ہیں۔
