ایف آئی اے نے سائفر کیس میں شاہ محمود کو ہتھکڑیاں لگا کر اسلام آباد کے جوڈیشل کمپلیکس میں لایا گیا۔شاہ محمود قریشی نے کمرہ عدالت میں صحافیوں سے غیر رسمی گفتگو کرتے ہوئے کہا کہ 40 سال سے سیاست میں ہوں، 39 سال میں ایک پرچہ نہیں ہوا ایک سال میں کوٹ کچہری دیکھ لی ،دہشت گرد بنا دیا گیا۔

ایک سوال کے جواب میں انہوں نے کہا کہ معلوم نہیں برف پگھلی ہے یا نہیں، جو بے گناہ ہے اسے رہا کیا جائے۔

پی ٹی آئی رہنما نے کہا کہ شفاف انتخابات وقت کی ضرورت اور واحد حل ہیں۔ شفاف انتخابات نہ ہوئے تو ملک کو ناقابل تلافی نقصان پہنچے گا اور لوگوں کا موجودہ جمہوری نظام سے اعتماد اٹھ جائے گا۔

واضح رہے کہ خصوصی عدالت نے توہین عدالت کیس میں عمران خان اور شاہ محمود کے جوڈیشل ریمانڈ میں توسیع کردی ہے۔