اردوورلڈ کینیڈا ( ویب نیوز)وزیراعلیٰ پنجاب محسن نقوی کی منظوری کے بعد پنجاب کے تمام اضلاع میں موٹر سائیکل سواروں کے لیے ہیلمٹ پہننا لازمی قرار دے دیا گیا ہے۔۔

صوبائی حکومت کے مطابق ہیلمٹ کے بغیر موٹرسائیکل سواروں کے لیے کوئی رعایت نہیں، متعلقہ انتظامیہ ہیلمٹ پہننے پر پابندی کے نفاذ کے لیے اپنے اپنے اضلاع میں نوٹیفکیشن جاری کر رہی ہے۔
لاہور اور راولپنڈی میں بغیر ہیلمٹ موٹر سائیکل سواروں کی جانب سے پیٹرول بھرنے پر پابندی اور پمپس پر حکم امتناعی آویزاں کردیا گیا، بغیر ہیلمٹ، بغیر پیٹرول کی زیرو ٹالرنس پالیسی اپنائی گئی۔
اس سلسلے میں ڈپٹی کمشنرز کی جانب سے نوٹیفکیشن جاری کرتے ہوئے خصوصی ٹیمیں بھی تشکیل دے دی گئی ہیں۔
ڈپٹی کمشنر لاہور رفیعہ حیدر نے کہا ہے کہ سر کی چوٹ معمولی حادثے میں بھی جان لیوا ثابت ہو سکتی ہے، جان عزیز ہے تو قانون پر عمل کرنا ہوگا۔