اردوورلڈ کینیڈا( ویب نیوز)پاکستان تحریک انصاف کے بانی چیئرمین نے علی امین گنڈا پور کو ہدایت کی ہے کہ ڈی چوک ہرصورت پہنچیں چاہے دو دن لگ جائیں
بانی چیئرمین کے ذرائع نے بتایا کہ عمران خان کی ہدایت کی روشنی میں علی امین گنڈا پور کسی بھی صورت میں ڈی چوک پہنچیں گے جب کہ پاکستان تحریک انصاف کی اعلیٰ قیادت نے احتجاجی حکمت عملی مکمل کر لی ہے۔
ذرائع کے مطابق بانی چیئرمین پی ٹی آئی کے چیئرمین بیرسٹر گوہر کی ہدایت پر شیخ وقاص اکرم اور دیگر حکام نے حکمت عملی کو حتمی شکل دی ہے اور بانی چیئرمین کا پیغام علی امین گنڈا پور تک پہنچا دیا گیا ہے۔
ذرائع کے مطابق قومی اسمبلی کے ارکان ڈی چوک میں ہونے والے احتجاج میں شرکت نہیں کریں گے جبکہ ڈی چوک میں احتجاج کی ذمہ داری راولپنڈی اسلام آباد کی تنظیم کی ہوگی، مقامی قیادت علی امین کے گنڈا پور کے پہنچنے تک احتجاج کریگی
پی ٹی آئی ذرائع کے مطابق کارکنوں کے لیے ماسک، نمک، پانی، کپڑے اور دیگر چیزوں کا انتظام کیا گیا ہے جبکہ بیرسٹر گوہر اور شیخ وقاص اکرم اپنے حلقوں کے ایم این اے کے علاوہ تمام احتجاج کی نگرانی کریں گے۔.
31
