اردوورلڈ کینیڈا( ویب نیوز)ریسکیو حکام کے مطابق پنجاب کے ضلع اٹک کے علاقے ڈھیرکوٹ میں نامعلوم افراد نے اسکول وین پر فائرنگ کردی جس کے نتیجے میں 2 بچے جاں بحق اور 6 زخمی ہوگئے۔
ریسکیو حکام کا کہنا ہے کہ زخمی بچوں کی عمریں 10 سے 12 سال کے درمیان ہیںجنہیں ہسپتال منتقل کردیا گیا ہے۔
پولیس حکام کے مطابق ملزمان موقع سے فرار ہوگئے، اسکول وین ڈھیرکوٹ گاؤں سے بچوں کو لینے کے لیے سرکھ گاؤں کے اسکول جارہی تھی۔
دوسری جانب وزیراعلیٰ پنجاب مریم نواز شریف نے اسکول وین پر فائرنگ کا نوٹس لیتے ہوئے کمشنر راولپنڈی سے رپورٹ طلب کرتے ہوئے زخمیوں کو بہترین طبی سہولیات فراہم کرنے کی ہدایت کی ہے۔