اردو ورلڈ کینیڈا ( ویب نیوز ) اسرائیل نے غزہ میں ظلم کی انتہاء کر دی ، کمال عدوان اسپتال اور اس کے اطراف میں شدید بمباری میں مزید 50 فلسطینی شہید ۔
طبی عملے کے پانچ ارکان بھی شہداء میں شامل تھے جس سے شہداء کی کل تعداد 45،426 ہوگئی۔غزہ کی وزارت صحت کے مطابق اسرائیلی فوج نے غزہ کے آخری کام کرنے والے ہسپتال کمال عدوان کو آگ لگا دی۔. اسرائیلی حملوں کی وجہ سے سرد موسم بھی بے گھر فلسطینیوں کے لیے ایک چیلنج بن گیا ہے اور ابھی تک امداد بحال نہیں ہو سکی ہے۔غزہ میں گزشتہ 72 گھنٹوں کے دوران سرد موسم کی وجہ سے چار بچے سردی سے ہلاک ہو چکے ہیں۔
ڈبلیو ایچ او کے مطابق غزہ میں قتل عام اور بنیادی ڈھانچے کی تباہی کے بعد اسرائیل اب صحت کے نظام کو تباہ کر رہا ہے۔. غزہ کے ہسپتالوں میں جو کچھ ہو رہا ہے وہ بہت خطرناک ہے۔حماس کے مطابق اسرائیل جان بوجھ کر صحت کے مراکز کو نشانہ بنا رہا ہے، اسرائیل غزہ میں خوراک کے بحران کو فلسطینیوں کے خلاف جنگ کے ہتھیار کے طور پر استعمال کر رہا ہے اور بین الاقوامی قوانین کی خلاف ورزی پر اسرائیل کے خلاف کارروائی کی جانی چاہیے۔
