تفصیلات کے مطابق پہاڑوں سے برف کے گلیشیئر گرنے کا واقعہ ناران سے سیف الملک جھیل تک ہائی وے پر پیش آیا. برفباری کی وجہ سے کئی ہوٹل تباہ ہو گئے جبکہ مختلف مقامات پر گلیشیئر کی وجہ سے کاغان ہائی وے مکمل طور پر بند ہے. کاغان ڈ ویلپمنٹ اتھارٹی کا اجلاس بھی بلایا گیا.
ڈی جی کاغا ن ڈ ویلپمنٹ اتھارٹی محمد شبیر خان نے کہا کہ وہ ہر ممکن طریقے سے ناران میں متاثرین کے ساتھ تعاون کریں گے، نقصانات کا جائزہ لینے کے لیے ایک کمیٹی تشکیل دی گئی ہے اور وہ ناران روڈ کی بحالی کے فوراً بعد متاثرہ افراد کی بحالی میں مدد کریں گے. ڈپٹی ڈائریکٹر کاغان ڈیولپمنٹ اتھارٹی بالاکوٹ امین الحسن خان نے کہا ہے کہ ناران میں درجنوں ہوٹلوں کے تباہ ہونے کی اطلاعات ہیں، وہ تحصیل انتظامیہ کے تعاون سے ابتدائی معلومات لے رہے ہیں.