اگست میں تقسیم کار کمپنیوں نے بجلی صارفین سے اربوں روپے زائد وصول کیے۔ نیپرا نے اگست میں اوور بلنگ کے معاملے پر نوٹس لینے اور انکوائری کا فیصلہ کیا تھا۔ نیپرا ذرائع کے مطابق انکوائری رپورٹ میں اگست کے بلوں میں اوور بلنگ ثابت ہوئی۔ بجلی کی تقسیم کار کمپنیاں اربوں روپے کی اوور بلنگ میں ملوث تھیں۔
تمام ڈسٹری بیوشن کمپنیاں اوور بلنگ کے ذریعے غریب عوام کولوٹتی رہیں۔
نیپرا ذرائع کے مطابق سب سے زیادہ اوور بلنگ لیسکو اور ہسیکو ریجنز میں ہوئی۔ ڈسکوز نے محفوظ صارفین سے غیر محفوظ بل وصول کیے
ذرائع کے مطابق مقررہ تاریخ کے بجائے ریڈنگ جان بوجھ کر 3 سے 4 دن تاخیر سے لی گئی۔ لیسکو اور حیسکو کے علاوہ دیگر ڈسکوز کی بھی اوور بلنگ تھی۔
ڈسکوز کی جانب سے میٹر کی تبدیلی کے نام پر اضافی چارجز بھی وصول کیے گئے۔
نیشنل الیکٹرک پاور ریگولیٹری اتھارٹی نے ڈسکوز کی زائد بلنگ سے متعلق رپورٹ پبلک کرنے کا فیصلہ کیا ہے۔ نیپرا رپورٹ کو حتمی شکل دے کر پبلک کرے گی۔
واضح رہے کہ نیپرا نے ستمبر کے مہینے میں ڈسکوز کی جانب سے اوور بلنگ کے معاملے کا نوٹس لیا تھا۔ نیپرا کو بڑی تعداد میں صارفین کی جانب سے زائد بلنگ کی شکایات موصول ہوئی تھیں۔ ذرائع کے مطابق اتھارٹی نے معاملے پر انکوائری کمیٹی تشکیل دی جس نے رواں ہفتے رپورٹ مکمل کر لی ہے۔
