ارد وورلڈ کینیڈا ( ویب نیوز )عمران خان مذاکرات کی پیشکش سے پیچھے ہٹ گئے، اسمبلیاں تحلیل کرنے جائیں گے۔
عمران خان کا کہنا ہے کہ اسمبلیاں تحلیل کرنے جائیں گے۔
پاکستان تحریک انصاف کے چیئرمین نے حکومت کو مذاکرات کی اپنی پیشکش سے پیچھے ہٹتے ہوئے واضح کیا کہ ان کے سابقہ بیان کا مقصد صرف صورتحال کی سنگینی پر زور دینا تھا۔
انہوں نے کہا کہ اسمبلیاں توڑ کر اسی ماہ الیکشن میں جائیں گے
کے پی کی پارلیمانی پارٹی کے اجلاس سے خطاب کرتے ہوئے پی ٹی آئی کے سربراہ نے دعوی کیا کہ پاکستان کی معاشی صورتحال قابو سے باہر ہو رہی ہے اور ملک ڈیفالٹ کی طرف جا رہا ہے لیکن وزیر خزانہ اسحاق ڈار اور ان کے پیشرو مفتاح اسماعیل لڑائی میں مصروف ہیں۔
موجودہ حکومت پر تنقید کرتے ہوئے سابق وزیراعظم نے کہا کہ پاکستان ڈیموکریٹک موومنٹ (PDM) اور اس کے اتحادیوں کی گزشتہ سات ماہ میں واحد کامیابی یہ ہے کہ وہ اپنے خلاف کرپشن کے مقدمات میں اپنے لیے ریلیف حاصل کرنے میں کامیاب ہوئے۔
پی ٹی آئی کے سربراہ نے یہ بھی اعلان کیا کہ وہ رواں ماہ میں پنجاب اور خیبرپختونخوا اسمبلیاں تحلیل کر کے انتخابات میں حصہ لیں گے۔